四十四封情書 - B

B,

人總想找個地方，快樂地生活…

記憶中，那地方曾經是西貢、南丫島、長洲、澳門、布吉、約克、維也納、阿姆斯特丹、箱根、白濱、南投、普儀雅克、普羅旺斯、威尼斯…一見難忘的景色、晴朗的天氣、親切的笑臉、細嚐慢活的時光... 那時候，一切都是永恒，現實像100年後才到死線的工作般無關痛癢。

「將來退休，搬黎呢度養老好唔好?」

「等我努力賺錢，喺度買間屋，每晚食完飯就落黎散步抖涼。」

「不如辭職，喺度做啲小生意，賣啤酒熱狗都好喎!」

「日日黃昏同你睇住海放狗，真唔錯…」

然後太多日子過去，夢想隨著現實七零八落。曾經多麼重要的人事改頭換面、形同陌路、永遠分離…哭哭鬧鬧死去活來，終於還是另有人生。

「住喺呢度唔方便，將來好難搵人照顧你架…」

這句話，那時的我其實沒聽懂。

T